La partîda a bòci

di Savino Rabotti

A la dmèndga, dop mešdé,
quàtr’ amîgh, cmé quàter sòci,
i’ s’arcàtne a l’usterìa
per fâr ‘na partîda al bòci.

Pôch luntân a gh’é un tavlîn
cûn un fiàsch e di bicêr:
vîn nustrân, s-cèt e sincêr,
sênsa trúch e sensa vlîn.

Prìma ch’ i’ s’mèti d’acôrdi
quân-c a-šquêši, quânti mòsi:
tút un blèf, túta ‘na fînta,
e perfîn paròli gròsi.

Pêra o dìspre, dìspre o pêra…
… finalmênt a va ‘l bucîn.
Quânt armûr e quânta fêra
se la bòcia la n’ gh’ và všîn!

Ugni tânt a s’ sênt un s-ciòch
fôrt e sèch, cùma un bašîn
dâ da scûš, cun al lúšghi a j’ ò-c,
quand a s’êra šuvnutîn!

Da sú in cêl al sûl al guârda
sudisfàt, cun simpatìa:
l’é fîn bèl vèder cla squâdra
ch’ la s’ la pàsa in armunìa!

L’é fîn bèl che gh’ sìa d’ la gênta
che cun pôch la s’acuntênta!

 

LA PARTITA A BOCCE 2005 - La domenica dopo pranzo quattro amici, come quattro soci, si ritrovano all’osteria per fare una partita a bocce. Poco lontano c’è un tavolino con sopra un fiasco e alcuni bicchieri: vino nostrano, schietto e sincero, senza alterazioni e senza veleni. Prima che riescano a mettersi d’accordo quante smorfie, quante mosse: tutto un bluf, tutta una finta, e persino parole pesanti. Pari o dispari? Dispari o pari? …  inalmente parte il pallino! Quanto rumore e quante lagnanze se la boccia non gli va vicino! Ogni tanto si ode uno schiocco forte e secco, come un bacio dato di nascosto, con gli occhi lucidi, quando eravamo ancora giovincelli! Da lassù in cielo il sole osserva soddisfatto, con benevolenza: è perfino bello vedere quella squadra che se la passa in armonia. È fin bello che vi sia ancora gente che si accontenta di poco!